BË NIE ZABËC MÒWË STARKÓW
Opublikował: Roman | 10 grudzień 2007W 1992 rokù, w Gniéżdżewie pò rôz pierszi òdbéł sã kònkùrs kaszëbsczi gôdczi „Bë nie zabëc mòwë starków”. Warôł òn tã bez piãc lat, a pòtemù zaczął wãdrowac pò wsach ë miastach pùcczégò pòwiatu szlachã żëcégò Jana Drzéżdżóna, chtëren w 1997 r. stôł sã patronã ny rozegracëji.
7 gòdnika 2007 r. kònkùrs wrócył do „gniôzda” – do gniéżdżewsczi szkòłë. Wzãło w nym ùdzél 51 gôdôszów z pùcczi zemi. Òceniwalë jejich Witôłd Bòbrowsczi, Jerzi Łisk ë Adam Patok. Jimprezã prowdzył Józef Roszman.
Òrganizatorzë mielë starã ó to, bë kòżden ùczãstnik ë jegò szkólny dostôł na pamiątkã kaszëbską ksążkã a dobëwcowie pëszné nôdgrodë. Nie bëłobë to mòżlëwé czejbë nié dobrzincowie:
– Ministerstwò Bënowëch Sprawów ë Administracje,
– Òglowi Zarząd Kaszëbskò Pòmòrsczégò Zrzeszeniô,
– Mùzeùm Pismieniznë ë Kaszëbskò-Pòmòrsczi Mùzyczi w Wejrowie,
– Mùzeuùm Pùcczi Zemi,
– Pòwiatowé Starostwò w Pùckù,
– Pòwiatowô Biblioteka Pùblicznô w Pùckù.
Wiôlgą òrganizacëjną robòtã zrobilë szkólny ze Spòdleczny Szkòłë w Gniéżdżewie ë białczi z Kòła Wiesczich Gòspòdëniów jaczé przërëchtowałë smaczné pôłnié.
I wiekòwé karno, klasë I-III spòdlecznëch szkòłów
1. Szëmón Heland ze Starzëna
2. Andżelika Wach ze Swôrzewa
3. Klaùdia Gralik z Gniéżdżewa
Wëróżnienié: Agata Sorn z Mòstów, Jakùb Rambiert z Pôłchòwa
II wiekòwé karno, klasë IV-VI spòdlecznëch szkòłów
1. Szëmón Jaffke ze Starzëna
2. Kamil Hintzke z Chlapòwa
3. Natalia Kanka z Pôlczëna
Wëróżnienié: Michôł Joskòwsczi ze szkòłë nr 5 w Redze (Dolné Rekòwò), Patrik Glowienke z Gniéżdżewa
III wiekòwé karno, gimnazja ë pònadgimnazjalné szkòłë
1. Angelika Ellwart ze Starzëna
2. Michalina Sliwińskô ze Starzëna
3. Mónika Gappa ze Starzëna
Wëróżnienié: Krësztof Dzemińsczi z Mòstów, Joanna Selke z Żelëstrzewa
Szpecjalnô nôdgroda: Mateùsz Klempa z Zespòłu Pònadgimnazjalnëch Szkòłów w Rzucewie
Nôdgroda miona Jana Drzéżdżóna za nôlepszi gwôsny dokôz: Justina Kòhs z Celbòwa
Nôgdroda „Diabelsczé Skrzëpce” dlô nôlepszi szkòłë: Zespół Szkòłów w Starzënie
Nôdgrodë za nôbëlni w kaszëbsczi òrtografie napisóny gwôsny dokôz: Wiktoria Baranowskô z Celbòwa, Karolëna Junak ë Hanna Denc z Dãbògórza.
òdjimczi: Pioter Cëskòwsczi